من أنا

ليس الجمال هو بذاته الحسن يوجد حين يوجد رآء
ما الكون؟ ما في الكون لولا آدم إلا هباء عالق بهباء
وأبو البرية ما أبان وجوده وأنتم غايته سوى حواء
إني سكبت الخمر حين سكبتها للناس ، لا للأنجم الزهراء
لا تشرب الخمر النجوم وإن تكن معصورة من أنفس الشعراء
تلك السنون ، عقيمها كولودها حلو ليّ، كذا يشاء وفائي
فالليلة العسراء من عمري وعمر الدهر مثل الليلة السمحاء
يا من يقول (ظلمت نفسك فاتئد) دعني ، فلست بحامل أعبائي
إنّ الحياة الروح بعض عطائها وأنا ثمار الروح كلّ عطائي
ما العمر؟ إان هو كالإناء وإنني بالطيّب الغالي ملأت إنائي
فإذا بقيت ، فللجمال بقائي وإذا فنيت ، ففي الجمال فنائي

إيليا أبو ماضي (1889^[1] أو 1890^[2] - 23 نوفمبر 1957) شاعر عربي لبناني يعتبر من أهم شعراء المهجر في أوائل القرن العشرين.

فى الحقيقة اعتقد ان كلام أى شخص عن نفسه موضوع صعب .

تاريخ الميلاد...تاريخ التخرج...الجامعه أو مكان الدراسة...الشهادات اللى حصلنا عليها...عدد البرامج اللى درسناها او حتى نعرفها او حتى سمعنا عنها ....ألخ...ألخ

ياترى ده شىء مهم؟

لما كنت صغير كنت عاوز أكون مهندس مش عارف ليه .

ولما دخلت الكليه بعد إعدادى لقيت نفسى عاوز أدرس هندسة طيران علشان عاوز أعمل حاجه جديده لكن إكتشفت إن الكلية اللى بدرس فيها مافيهاش هندسة طيران.

دورت على قسم تانى ممكن الواحد يعمل فيها حاجه جديده فقالولى عماره .. دخلت القسم وفى الأول ماكنتش فاهم أوى يعنى إيه عمارة لكن شوية شويةإبتديت أفهم وأحب القسم. قسم العمارة أو زى ماأحب أنا أسمية قسم الأحلام وإخترعت جملتى الشهيره (حب الحاجه تحبك), ماتشوفشى الحاجه زى ماهى بص للى مش باين منها  كلمها هاتكلمك وتقولك على أسرارها وهاتقولك كمان تعمل إيه.

يمكن كلام مجنون لكن هى دى الحقيقة المهنه دى مهنه مجانين الشخص العادى مش هاينجح فيها ممكن يرسم أو ينفذ لكن مافيش إبداع.فى مهنة العمارة والديكور هاتلاقى ناس بتقولك العمارة حاجه والديكور حاجه تانيه(يمكن) لكن بالنسبة لى مافيش فرق,ماينفعشى تعمل مبنى لناس مايعرفوش يستخدموه,مش بتكلم على التحليل الوظيفى للمبنى هنا بتكلم على التفاصيل الداخلية ,وازاى نعمل حاجه جميلة من الخارج والداخل, لما تعمل مطبخ مثلا لازم تعرف مكوناته مقاساتها واكيفية استخدامها ,ازاى المطبخ بيشتغل والست بتعمل فيه ايه وازاى يكون مفيد ومريح فى الاستخدام,علاقة البلاطات بالكباين والارتفاعات والسقف والشكل الجمالى,الكلام ده تطبقة على كل حاجه ..زغرف النوم..الانتريهات..السفره..المعيشة.

لكن هاتتنيها تلف وتدور فى دماغى لما تبص على اى حاجه ماتشوفهاشى أو تفكر فيها زى ماهى بشكلها الاساسى ,شوف هى هاتقولك ايه لكن علشان تكلمك لازم تحبها(حب الحاجه تحبك),ولو أخدنا مثال تانى ترابيزة سفره ماهى ببساطه قرصه وشايلها رجلين لكن القرصه ممكن تكون خشب باشكال كتير أو زجاج أوخليط من الخشب والزجاج والحديد والرخام وأى مواد تانيه, والأرجل ممكن تكون عادية أوتمثال لراجل أو ست فى أى وضعيه وشايل القرصه أو تمثال وكوره أو قواقع أو كتل حجر أو شكل معبد قديم ,حاجات كتير أوى ,لو حبيت ترابيزة السفره هاتحبك وتكلمك وتقولك ممكن تعملها ازاى , سرير طفل ممكن يكون على شكل سياره أومركب أوخيمه ,أى حاجه .

العمارة والديكور هما عباره عن حلم علشان كده لما بشتغل بحلم واتمتع باللى بعمله مش علشان هو شغل لآ علشان أنا بحبه.

أنا بحب الرسم والشعر والموسيقى والمواويل وألشعر الحزين.

إقرا شعر

‘سمع موسيقى

إكتب خواطر

إتمتع هاتقدر تعمل حاجه جديدة تمتع بيها الناس

النجاح متعه

مدونتى وموقعى هدفهم الأساسى إمتاع نفسى وإمتاعكم ,هايكون فيهم شغل وكتب مصوره وخواطر وأشعار وموسيقى وبرامج, فى الحقيقه هدفى إنى أمتع نفسى وأفيدكم على قدر طاقتى.

أنا عصام ذكى

مواليد 1962

خريج جامعة عين شمس قسم عمارة 86

01064090470

سـال حبر اليـقين من أبيـاتي
                   شـاهرا فكرتي على صفحاتي
في هدوء من ليلة الشعر تسري
                   في دجـاها الأفكار كالنسمات

من قصيدة بين قلم وورقة لأيليا أبو ماضى